د ګډ سوله ایز ژوند او زغم په پیاوړتیا د مسلمانو حکماؤ د شورا ټينګار
ایکنانیوز د وام خبری آژانس له قوله راپور راکړ،د شیخ الازهر احمد الطیب په مشرۍ د مسلمانو حکماؤ شورا د نړۍ له رهبرانو او خلکو وغوښتل څو په خلکو کې د ګډ سوله ایز ژېوند او سولې د ارزښتونو دپیاوړتیا لپاره ئې هڅې پیاوړي کړي او د هغو نښتو او تاؤتریخوالو د څنګةکولو لپاره چې د ټولنو ثبات او آرامښت سره ګډوډوي او ددوي سرچینې او شتمنۍ له مینځه وړي ،هڅه وکړي.
دغې شورا پخپلې وروستۍ اعلامیې کې ټينګار کړی دی ، چې تسامع اومصلحت یوازې کومه اخلاقي ټاکنه نه ده ،بلکې له هغو جنګ جګړو له ډګره د وتلو لپاره یوه اساسی حل لاره ده د نړۍ ډیری سیمې ئې اغیزمنې کړي دی او دا هغه لاره ده چې د هغودوامدارو کړاؤنود ختمولو لپاره چې بې ګناه خلک په تیره بیا بې وځله ،اړمند او کمزوري خلک ورڅخه کړیږي.
د مسلمانو حکماؤ شورا په دغې اعلامیې کې چې د سولې د نړیوالې ورځې په مناسبت چې هر کال دنومبر په شپاړسمه نیټه ئې جشن لمانځل کیږی، ټينګار کړی دی، د سولې او مصحلت ارزښت یوازې کومه ټاکنه نه ده ،بلکې د ټولنو د پرمختګ او ثبات د تضمین او په نړۍ کې د شفقت او عدالت او د سولې د بنسټونو د پیاوړتیا لپاره یو انساني ضرورت دی .
په دغې اعلامیې کې دغه راز روښانه شوې ده ، چې د اسلام دین په خپل جوهر کې سوله او مهرباني او شفقت غواړي او د دین،توکم،اوکلتور پرته په خلکو کې ګډ سوله ایز ژوند غواړي او د نورو پر احترام اوا نساني ارتباطاتو ټينګار کوي . هماغه شان چې خداوندمتعال په قران کریم کې فرمائي؛ جَعَلْنَاكُمْ شُعُوبًا وَقَبَائِلَ لِتَعَارَفُوا» (سوره حجرات، آیه ۱۳) ا دغه آیت د خلکو ترمینځ د تفاهم د پلونو درامینځةکولو لپآره یو جوت دعوت او بلنه ده.
د مسلمانو حکماؤ شورا همداراز په ۲۰۱۹کال کې په ابوظبئ کې د ؛انساني ورورولۍ سند؛ د لاسلیک کیدا له لارې چې شیخ احمد الطیب او د نړۍ د کاتولیکانو رهبر پاپ فرانسیس لاسلیک کړی دی،د آسانتیاؤ د کلتور د دودولو لپاره دخپلو دومدارو هڅو باندې ټينګار کړی دی.
https://iqna.ir/fa/news/4248592
